বিগত বৰ্ষৰ ৫ জুন তাৰিখে মাত্ৰ এটা সপ্তাহৰ বাবে মহাকাশলৈ প্ৰেৰণ কৰা হৈছিল সুনীতা উইলিয়ামচ আৰু বেৰী বুশ্ব উইলমৰক। কিন্তু কিছু যান্ত্ৰিক বিজুতিৰ কাৰণে ৭ দিনৰ বাবে মহাকাশলৈ যোৱা দুয়োগৰাকী মহাকাশচাৰী আৱদ্ধ হৈ থাকিল ৯ মাহলৈ। আমেৰিকাৰ মহাকাশ গৱেষণা কেন্দ্ৰ নাছাৰ এই দুইগৰাকী মহাকাশচাৰীক পৃথিৱীলৈ উভতাই আনিবলৈ সকলো প্ৰকাৰে চেষ্টা চলাই আছিল NASA আৰু ইলন মাস্কৰ SPACE X মহাকাশ গৱেষণা কেন্দ্ৰটোৱে। কিন্তু বিগত ৯ টা মাহে পৃথিৱীলৈ ঘুৰাই আনিবলৈ সক্ষম হোৱা নাছিল দুয়োগৰাকী মহাকাশচাৰীক।মহাকাশ গৱেষণা কেন্দ্ৰ দুটাৰ লগতে সমগ্ৰ বিশ্ববাসীয়ো চিন্তিত হৈ পৰিছিল সুনীতা আৰু উইলমোৰক লৈ। কেনেদৰে পৃথিৱীলৈ ঘুৰাই অনা হব দুয়োগৰাকী মহাকাশচাৰীক তাক লৈ উৎকণ্ঠা বৃদ্ধি পাইছিল বিশ্ববাসীৰ মনত । কেতিয়া পৃথিৱীলৈ আহিব সুনীতা আৰু উইলমোৰ তাৰ অপেক্ষাত ৰৈ আছিল সকলো । কিন্তু ৯ টা মাহৰ অপেক্ষা উৎকণ্ঠাৰ অন্ত পেলাই ইলন মাস্কৰ SPACE X এ আনিলে সেই ভাল খবৰটি । ভাৰতীয় সময় মতে কাইলৈ পুনতি নিশা চাৰে তিনি বজাত আমেৰিকাৰ ফ্লৰিডা উপকূলত আহি উপস্থিত হবহি SPACE X এ নিৰ্মাণ কৰা ড্ৰেগন যান।
উল্লেখ্য যে হাজাৰটা প্ৰত্যাহ্বানক নেওচি ,ধূসৰ অনিশ্চিয়তাক দূৰ কৰি সুনীতা আৰু উইলমোৰক পৃথিৱীত অৱতৰণ কৰা দৃশ্য পোনপোটীয়া সম্প্ৰচাৰ কৰিব নাচাই ।
