জালুকবাৰী বিধানসভা সমষ্টিৰ প্ৰাক্তন বিধায়ক প্ৰয়াত ভৃগু কুমাৰ ফুকনৰ একমাত্ৰ দুহিতা উপাসনা ফুকনৰ আজি আকস্মিক দুৰ্ঘটনাত মৃত্যু হয়। ঘৰৰ চাদৰ পৰা পৰি ৰাতিপুৱা ৭’৫৫ মিনিটত মৃত্যু হয় উপাসাৰ।কিন্তু উপাসাৰ মৃত্যুৰ পাছত ক’ৰবাত যেন কিছু ৰহস্য ৰৈ গৈছে আচলতে এইয়া দুৰ্ঘটনা আছিল নে আত্মহত্যা!কিন্তু মন্তব্য আহি পৰিছে যে,মাতৃ-কন্যা দুয়োৱে একে লগত আত্মহত্যাৰ পৰিকল্পনা কৰিছিল।১৫ আগষ্টত পৰিকল্পনা কৰিছিল আত্মহত্যাৰ।এই কথাই এতিয়া চাঞ্চল্যৰ সৃষ্টি কৰিছে।
জালুকবাৰী সমষ্টিৰ প্ৰাক্তন বিধায়ক ভৃগু কুমাৰ ফুকনৰ একমাত্ৰ কন্যা উপাসা ফুকনৰ অকাল মৃত্যুত জালুকবাৰী সমষ্টিত গভীৰ শোকৰ ছাঁ পৰিছে।এসময়ত পিতৃৰ সৈতে জালুকবাৰী সমষ্টিলৈ অহা উপাসা ফুকনৰ অকাল মৃত্যুক সহজ ভাৱে ল’ব পৰা নাই সমষ্টিবাসীৰ লোকে ।
আজি জালুকবাৰী সমষ্টিৰ উত্তৰ গুৱাহাটী ৰুদ্ৰেশ্বৰ বিহলঙনী ৰভাঘৰ প্ৰাংগনত আজি অনুষ্ঠিত এক লোকসভাত উপাসনা ফুকনৰ মৃত্যুত গভীৰ শোক প্ৰকাশ কৰা হয়। সভাত অংশগ্ৰহণ কৰি কমলপুৰ সমষ্টিৰ বিধায়ক দিগন্ত কলিতাই উপাসনা ফুকনৰ মৃত্যুত গভীৰ শোক প্ৰকাশ কৰি এয়া এক আনাকংক্ষীত খবৰ বুলি উল্লেখ কৰে।সভাত ৰুদ্ৰেশ্বৰ -বিহলঙনী গাঁৱৰ বহু পুৰুষ মহিলাই অংশ লৈ এক মিনিট মৌন প্ৰাৰ্থনাও কৰে ।
