দেশৰ ৫১ সংখ্যক মুখ্য ন্যায়াধীশ আজি শপত গ্ৰহণ কৰে সঞ্জীৱ খান্নাই । ৰাষ্ট্ৰপতি ভৱনত অনুষ্ঠিত হয় এই শপত গ্ৰহণ অনুষ্ঠান । ভাৰতৰ ৰাষ্ট্ৰপতি দ্ৰৌপদী মূৰ্মুৱে সঞ্জীৱ খান্নাক শপত বাক্য পাঠ কৰোৱায় । আচলতে এই কোন হয় এই সঞ্জীৱ খান্না ? সংক্ষিপ্তে জানো আহক তেওঁৰ জীৱনী ।
জন্ম- ১৯৬০ চনৰ ১৪ মে তাৰিখে সঞ্জীৱ খান্নাই জন্মগ্ৰহণ কৰিছিল । তেওঁৰ পিতৃ দেৱৰাজ খান্না দিল্লী উচ্চ ন্যায়ালয়ৰ ন্যায়াধীশ আছিল আৰু মাতৃ দিল্লীৰ এখন মহাবিদ্যালয়ৰ হিন্দীৰ অধিবক্তা হিচাপে কৰ্মৰত আছিল।
শিক্ষা- ১৯৭৭ চনত নতুন দিল্লীৰ মডাৰ্ণ স্কুলৰ পৰা তেওঁ স্কুলীয়া শিক্ষা সমাপ্ত কৰে । দিল্লীৰ ছেইণ্ট ষ্টেফেন কলেজৰ স্নাতক ডিগ্ৰী লৈ তেওঁ দিল্লী বিশ্ববিদ্যালয়ৰ অধীনত আইনৰ শিক্ষা আহৰণ কৰে ।
কৰ্ম- ১৯৮৩ চনত তেওঁ দিল্লীৰ বাৰ কাউন্সিলত নিজৰ নাম অন্তৰ্ভূক্ত কৰে । ২০০৪ চনৰ ২৪ জুনত তেওঁক দিল্লী উচ্চ ন্যায়ালয়ৰ অতিৰিক্ত ন্যায়ধীশ হিচাপে নিযুক্তি দিয়া হয় । ২০০৬ চনৰ ২০ ফেব্ৰুৱাৰীত তেওঁ উচ্চতৰ ন্যায়ালয়ৰ স্থায়ী ন্যায়াধীশ হিচাপে নিযুক্তি লাভ কৰে । ২০১৯ চনৰ ১৮ জানুৱাৰী তাৰিখে তেওঁক উচ্চতম ন্যায়ালয়ৰ ন্যায়াধীশ হিচাপে নিযুক্ত হয় । ২০২৪ চনৰ ১৭ অক্টোবৰ তাৰিখে উচ্চতম ন্যায়ালয়ৰ মুখ্য ন্যায়াধীশ ডি. ৱাই. চন্দ্ৰচূড়ে সঞ্জীৱ খান্নাৰ নাম পৰৱৰ্তী মুখ্য ন্যায়াধীশৰ বাবে প্ৰস্তাৱিত কৰে । এইক্ষেত্ৰত কিছু বিতৰ্কৰ অন্তত ভাৰত চৰকাৰে চন্দ্ৰচূড়ৰ প্ৰস্তাৱ সমৰ্থন কৰে ।
অৱশেষত ডি ৱাই চন্দ্ৰচূড়ৰ অৱসৰৰ পিছত ২০২৪ চনৰ ১১ নৱেম্বৰ তাৰিখে সঞ্জীৱ খান্নাই উচ্চতম ন্যায়ালয়ৰ মুখ্য ন্যায়াধীশ হিচাপে শপত গ্ৰহণ কৰে ।
