সদনৰ মজিয়াত জেওৰা-জপনা, ৰূপজ্যোতি কুৰ্মীৰ অমাৰ্জিত আচৰণৰ বিৰোধিতা বিৰোধীৰ

২১ মার্চত অসম বিধানসভাৰ চলিত বাজেট অধিৱেশনৰ চতুৰ্দশ দিনটোত বিজেপি বিধায়ক ৰূপজ্যোতি কুৰ্মীয়ে সদনত কৰা অভব্য আচৰণৰ বিৰুদ্ধে গৰজি উঠিছে বিৰোধী । বিজেপি বিধায়কগৰাকীৰ এই অভব্য আচৰণক লৈ আজি বিৰোধীয়ে সদনৰ উত্তাল কৰি তোলে । নিৰাপত্তা বিচাৰি এইবাৰ অভিনৱ প্ৰতিবাদ congress আৰু AIUDF ৰ।ৰূপজ্যোতি কুৰ্মীৰ এনে কৰ্মৰ প্ৰতিবাদ কৰি আজি আত্মৰক্ষাৰ বাবে জেওৰা জপনা লৈ সদনত উপস্থিত হয় AIUDF দলৰ বিধায়ক সকল ।

ঠিক একেদৰে ক’লা পোছাক পৰিধান কৰি হাতে হাতে প্লেকাৰ্ড লৈ ৰূপজ্যোতি কুৰ্মীৰ বিৰুদ্ধে প্ৰতিবাদ সাব্যস্ত কৰে বিধানসভাৰ মজিয়াত প্ৰৱেশ কৰে কংগ্ৰেছ বিধায়ক সকলে । ৰূপজ্যোতি কুৰ্মীৰ এনে আচৰণৰ বিৰুদ্ধে ব্যৱস্থা গ্ৰহণৰ দাবী জনায় বিৰোধীয়ে । বিৰোধী দলপতি দেৱব্ৰত শইকীয়াই অধ্যক্ষলৈ এক পত্ৰ প্ৰেৰণৰ জৰিয়তে বিশেষাধিকাৰ সমিতিৰ প্ৰতিবেদন দাখিল নোহোৱালৈকে সদনৰ কাম-কাজৰ পৰা মৰিয়নীৰ বিধায়কগৰাকীক বিৰত ৰখাৰ আহ্বান জনাইছে । বিৰোধীয়ে সৃষ্টি কৰা এনে বিশৃংখলতাৰ বাবে বিধানসভাৰ অধ্যক্ষ বিশ্বজিৎ দৈমাৰীয়ে দহ মিনিটৰ বাবে সদন স্থগিত ৰাখে । আনহাতে বিৰোধীৰ এনে কৰ্মক নজীৰবিহীন আখ্যা দিয়ে মুখ্যমন্ত্ৰী ড° হিমন্ত বিশ্ব শৰ্মাই ।