২০২৫ বৰ্ষৰ “ছিংগাপুৰ সামুদ্ৰিক সপ্তাহ”ৰ উদ্বোধনী অনুষ্ঠানত কেন্দ্ৰীয় মন্ত্ৰী সৰ্বানন্দ সোণোৱাল

২০২৫ বৰ্ষৰ “ছিংগাপুৰ সামুদ্ৰিক সপ্তাহ”ৰ শুভ উদ্বোধনী অনুষ্ঠানত অংশগ্ৰহণ কৰে কেন্দ্ৰীয় মন্ত্ৰী সৰ্বানন্দ সোণোৱালে । “ছিংগাপুৰ সামুদ্ৰিক সপ্তাহ”ত কেন্দ্ৰীয় বন্দৰ, জাহাজ আৰু জলপথ মন্ত্ৰী সৰ্বানন্দ সোণোৱালে গ্ল’বেল মেৰিটাইম লিডাৰ্ছৰ সৈতে যোগদান কৰি সুৰক্ষিত, বহনক্ষম আৰু সমৃদ্ধিশালী সামুদ্ৰিক ভৱিষ্যতৰ বাবে আলোচনাত মিলিত হয়। সৰ্বানন্দ সোণোৱালে সামুদ্ৰিক সংযোগ আৰু যোগান সংযোগ শক্তিশালী কৰাৰ লগতে সেউজ বহনক্ষম সামুদ্ৰিক ভৱিষ্যতৰ দিশত সামূহিক প্ৰচেষ্টাৰ প্ৰয়োজনীয়তাৰ ক্ষেত্ৰত যুক্তি আগবঢ়ায়।

ভাৰতক প্ৰতিনিধিত্ব কৰি এই অনুষ্ঠানত অংশগ্ৰহণ কৰা কেন্দ্ৰীয় মন্ত্ৰীগৰাকীয়ে ভাষণ দি কয় যে ‘‘বসুদেৱ কুটুম্বকম’ত শিপাই থকা ভাৰতৰ সামুদ্ৰিক দৃষ্টিভংগীয়ে সহযোগিতা আৰু ভাগ-বতৰা সমৃদ্ধিৰ প্ৰসাৰ ঘটায় । এজন নিৰ্ভৰযোগ্য আৰু দায়িত্বশীল অংশীদাৰ হিচাপে এক সেউজ, সুৰক্ষিত, আৰু সৰ্বাংগীন সামুদ্ৰিক ভৱিষ্যত গঢ়ি তোলাৰ বাবে ভাৰত প্ৰতিশ্ৰুতিবদ্ধ ।

সোণোৱালে এছ এম ডব্লিউত ছিংগাপুৰৰ জ্যেষ্ঠ মন্ত্ৰী তথা প্ৰাক্তন প্ৰধানমন্ত্ৰী লি ছিয়েন লুঙক সাক্ষাৎ কৰে। কেন্দ্ৰীয় মন্ত্ৰীগৰাকীকক ছিংগাপুৰৰ আইন মন্ত্ৰালয় আৰু পৰিবহণ মন্ত্ৰালয়ৰ ৰাজ্যিক মন্ত্ৰী মুৰালি পিল্লাইৰ সৈতে দ্বিপাক্ষিক বৈঠকলৈ প্ৰেৰণ কৰা হয়। কেন্দ্ৰীয় মন্ত্ৰীগৰাকীয়ে জনশক্তি মন্ত্ৰী তথা ছিংগাপুৰৰ দ্বিতীয় বাণিজ্য আৰু উদ্যোগ মন্ত্ৰী ড০ টান ছি লেংকে ধৰি চৰকাৰৰ অন্যান্য জ্যেষ্ঠ সদস্যসকলৰ সৈতেও ব্যক্তিগত বৈঠকত মিলিত হয় ।