আপোনাৰ সুন্দৰ চুলিকোচাৰ যত্ন ল’বৰ বাবে প্ৰাকৃতিক বনৌষধি ব্যৱহাৰ কৰিলে আপোনাৰ চুলিকোচা মজবুত আৰু কোমল হ’ব পাৰে। এই বনৌষধিৰ ব্যৱহাৰে আপোনাৰ চুলি আৰু অধিক সতেজ কৰি ৰাখিব । তাৰেই কিছু টিপছ তলত উল্লেখ কৰা হ’ল ।
এল’ভেৰা: মূৰৰ ছাল কণ্ডিচনিং আৰু উফি হ্ৰাস কৰাৰ বাবে অতি উত্তম এবিধ বনৌষধী হ’ল এল’ভেৰা । মূৰৰ ছাল আৰু চুলিত সতেজ এল’ভেৰা জেল লগাই ৩০ মিনিট ৰাখিব, তাৰ পিছত কুহুমীয়া পানীৰে ধুই পেলাওক।
ৰ’জমেৰী: চুলিৰ বৃদ্ধি আৰু ৰক্ত সঞ্চালন উন্নত কৰিবৰ বাবে ৰ’জমেৰী তেল হিচাপে ব্যৱহাৰ কৰিব পাৰি। ৰ’জমেৰী এচেন্সিয়েল তেল কেইটোপালমান মূৰৰ ছালত মালিচ কৰি চুলি ধোৱাৰ আগতে কমেও ৩০ মিনিট ৰাখি চুলি ধুই পেলাব।
জবাফুল: জবাফুলে অকালতে ধূসৰ হোৱা আপোনাৰ চুলিকোচা সৰাত বাধা প্ৰদান কৰে । জবা ফুল আৰু ইয়াৰ পাতৰ পেষ্ট বনাই মূৰৰ ছালত লগাই ৩০ মিনিট ৰাখি তাৰ পিছত ধুই পেলাওক।
মেথি: উফি প্ৰতিৰোধী গুণৰ বাবে পৰিচিত মেথিৰ গুটি ৰাতিটো তিয়াই পেষ্ট কৰি মূৰৰ ছালত প্ৰয়োগ কৰিব পাৰি । চুলিৰ যত্ন লবৰ বাবে এই বনৌষধিবোৰ অন্তৰ্ভুক্ত কৰিলে আপোনাৰ চুলিকোচা স্বাভাৱিকভাৱে সুস্থ হৈ থাকিব ।
