লণ্ডনৰ নাগৰিকত্ব গ্ৰহণৰ দিশে বিৰাট কোহলী । দুই সন্তানৰ সৈতে লণ্ডনৰ বাসিন্দা হ’ব বিৰাট-অনুষ্কা ।
বৰ্তমান অষ্ট্ৰেলিয়াত আছে টিম ইণ্ডিয়াৰ প্ৰবীণ খেলুৱৈ বিৰাট কোহলী। তাৰ মাজতেই ক্ৰিকেটাৰ গৰাকীয়ে অভিনেত্ৰী পত্নী অনুষ্কা শৰ্মা তথা পুত্ৰ-কন্যাৰ সৈতে আজৰি সময় কটাইছে লণ্ডনত ৷ লণ্ডনৰ ৰাজপথত, স্থানীয় ৰে’লত বহু সময়ত প্ৰত্যক্ষ কৰা হৈছে ক্ৰিকেটাৰগৰাকীক।লণ্ডনত বহু সময় কটোৱাৰ বাবে ছ’চিয়েল মিডিয়াত প্ৰায়ে বিতৰ্কৰ বিষয় হৈ পৰা ভাৰতৰ ক্ৰিকেট ICON বিৰাট কোহলীয়ে অতি সোনকালে ভিত্তি সলনি কৰিব বুলি জানিব পৰা গৈছে। কোহলীৰ শৈশৱৰ প্ৰশিক্ষক ৰাজকুমাৰ শৰ্মাৰ মতে, টিম ইণ্ডিয়াৰ তাৰকাগৰাকীয়ে অতি সোনকালে লণ্ডনলৈ স্থানান্তৰিত হ’ব বিচাৰিছে, তেওঁৰ পত্নী অনুষ্কা শৰ্মা আৰু সন্তানৰ সৈতে।
বিৰাট আৰু অনুষ্কাৰ লণ্ডনত এটা সম্পত্তি আছে, য’ত তেওঁলোকে সময় অতিবাহিত কৰাও পৰিলক্ষিত হৈছিল। সম্ভৱতঃ অতি সোনকালে এই দম্পতীহালে স্থায়ীভাৱে লণ্ডনলৈ স্থানান্তৰিত হ’ব।বৰ্তমান ৩৬ বছৰীয়া কোহলীয়ে ইতিমধ্যে টি-২০ আন্তঃৰাষ্ট্ৰীয় খেলৰ পৰা অৱসৰ লৈছে।তেওঁৰ ফৰ্ম, শেহতীয়াকৈ, আটাইতকৈ আশাব্যঞ্জক হোৱা নাই, যিয়ে জাতীয় দলৰ সৈতে তেওঁৰ ভৱিষ্যতক লৈ অনুৰাগী আৰু বিশেষজ্ঞসকলৰ মাজত আলোচনাৰ সৃষ্টি কৰিছে।
