এছ জয়শংকৰক আক্ৰমণৰ চেষ্টা খালিস্তানী প্ৰতিবাদকাৰীৰ

৪ মাৰ্চৰ পৰা ৯ মাৰ্চলৈ আনুষ্ঠানিক বিদেশ ভ্ৰমণত ব্যস্ত ভাৰতৰ বৈদেশিক পৰিক্ৰমা মন্ত্ৰী এছ জয়শংকৰ । ভাৰত আৰু ব্ৰিটেইনৰ কৌশলগত অংশীদাৰী শক্তিশালী কৰাৰ উদ্দেশ্যে বৰ্তমান ব্ৰিটেইনত উপস্থিত আছে মন্ত্ৰীগৰাকী । এই ভ্ৰমণৰ জৰিয়তে বাণিজ্য, স্বাস্থ্য, শিক্ষা, প্ৰতিৰক্ষা, সহযোগিতা আৰু দুয়োখন দেশৰ পাৰস্পৰিক সম্পৰ্কৰ বিষয়ে আলোচনা কৰা হ’ব । কিন্তু এই ভ্ৰমণতেই লাগিল অথন্তৰ । লণ্ডনৰ চাথাম হাউছৰ থিংক টেংকত অনুষ্ঠিত এক অনুষ্ঠানত অংশগ্ৰহণ কৰি মন্ত্ৰীগৰাকী বাহিৰলৈ ওলাই অহাৰ সময়তেই তেওঁক আক্ৰমণৰ লক্ষ্য কৰি লয় খালিস্তানী প্ৰতিবাদকাৰীয়ে । খালিস্তানী প্ৰতিবাদকাৰীয়েপ লণ্ডনত বৈদেশিক পৰিক্ৰমা মন্ত্ৰী এছ জয়শংকৰৰ নিৰাপত্তা বেষ্টনী ফালি মন্ত্ৰীগৰাকীৰ গাড়ীৰ সন্মুখত  ভাৰতৰ পতাকা ফালি প্ৰতিবাদ সাব্যস্ত কৰে।জানিব পৰা মতে জয়শংকৰে ভাষণ দি থকাৰ পৰাই চাথাম হাউছৰ বিপৰীত দিশত খালিস্তানী প্ৰতিবাদকাৰীৰ এটা দলে  হালধীয়া পতাকা লৈ প্ৰতিবাদ সাব্যস্ত কৰে।  প্ৰতিবাদকাৰীসকলে “খালিস্তান জিন্দাবাদ”, লগতে ভাৰত আৰু জয়শংকৰৰ বিৰোধী শ্লোগানেৰে উত্তাল কৰি তোলে।

assamd northeastdnortheastForeign ministerIndias jaishankar
Comments (0)
Add Comment