চলিত আই পি এলত আশানুৰূপ ফলাফল দেখুৱাবলৈ সক্ষম হোৱা নাই মুম্বাই ইণ্ডিয়ানছৰ দলটো । বৰ্তমানলৈ ৪খন মেচ খেলি দলটোৱে মাথোঁ এখন মেচত হে জয়লাভ কৰিবলৈ সক্ষম হৈছে । লগতে সময়ে সময়ে সমালোচনাৰো সন্মুখীন হ’বলগীয়া হৈছে দলটো । কিয়নো গুজৰাট টাইটানছৰ পৰা আহি পুনৰ মুম্বাইৰ দলটোত অন্তৰ্ভুক্ত হোৱা হাৰ্ডিক পাণ্ডিয়াই দলটোৰ পূৰ্বৰ অধিনায়ক ৰোহিত শৰ্মাক আঁতৰাই অধিনায়কৰ দায়িত্ব গ্ৰহণ কৰে । এইক্ষেত্ৰত ৰোহিত শৰ্মাৰ অনুৰাগী সকলেও পোনতেই হাৰ্ডিকক জগৰীয়া কৰিব খোজে । আনকি মুম্বাই ইণ্ডিয়ানছৰ দলটো লৈ ঘূৰি আহিবলৈ হাৰ্ডিক পাণ্ডিয়াই অধিনায়ক পদৰ দাবী কৰিছিল বুলিও কোনো কোনো লোকে ক’ব খোজে । যাৰ বাবে ৰোহিত শৰ্মাই অধিনায়কৰ দ্বায়িত্ব হেৰুৱাবলগীয়া হয় ।
শুকুৰবাৰে লক্ষ্ণৌ ছুপাৰ জায়েণ্টছৰ বিৰুদ্ধে অনুষ্ঠিত আই পি এল মেচ খনত পুনৰবাৰ মুখ থেকেছা খায় দলটোৱে । লক্ষ্ণৌ ছুপাৰ জায়েণ্টছে বান্ধি দিয়া ২০৪ ৰামৰ লক্ষ্যত উপনীত হ’ব নোৱাৰিলে মুম্বাই ইণ্ডিয়ানছে । অথলে গ’ল সূৰ্যকুমাৰ য়াদৱৰ অৰ্ধশতকৰ ইনিংছ । অৱশ্যে দলৰ খেল প্ৰদৰ্শন বৰ বিশেষ নহ’লেও এক অনন্য অভিলেখ গঢ়িবলৈ সক্ষম হৈছে অধিনায়ক হাৰ্ডিক পাণ্ডিয়া। এই মেচখনতেই ৫ উইকেট দখল কৰি IPLৰ ইতিহাসত ৫ উইকেট দখল কৰা একমাত্ৰ অধিনায়ক হিচাপে পৰিগণিত হয় খেলুৱৈ গৰাকী । মেচ খনত ৪ অভাৰত ৩৬ ৰাণ দি ৫টা উইকেট দখল কৰে হাৰ্ডিকে । ইয়াৰ পূৰ্বে আই পি এলত কোনো অধিনায়কে লাভ কৰা নাই এই কৃতিত্ব ।