গাজাত অব্যাহত আছে ইজৰাইলী সেনাৰ আক্ৰমণ । হাজাৰ স্কুল আৰু হাস্পতালত এইবাৰ আক্ৰমণ চলাইছে ইজৰাইলৰ সেনাই । এই আক্ৰমণত ৪৭জন লোকৰ মৃত্যু হোৱাৰ লগতেই বহু লোক আহত হৈছে । মধ্য গাজাত অৱস্থিত অল-আকাছা হাস্পতালৰ জৰুৰীকালীন বিভাগত ইজৰাইলী সেনাই বোমা নিক্ষেপ কৰিছিল। উক্ত হাস্পতালখনত এইটো হৈছে অষ্টম আক্ৰমণ । উল্লেখযোগ্য যে এই আক্ৰমণত এজন সংবাদ কৰ্মীও গুৰুতৰভাৱে আহত হয় । বোমা বিস্ফোৰণৰ ফলত প্ৰাণ ৰক্ষা কৰিবলৈ সেই ঠাইৰ লোক সকলে পলায়নৰ চেষ্টা কৰোঁতেই ইজৰাইলী সেনাই গুলীচালনা কৰে ।
কেৱল এই হাস্পতালেই নহয়, গাজাৰ আন ভিন ভিন স্থান আৰু স্কুলতো ইজৰাইলী সেনাই আক্ৰমণ চলাইছিল, য’ত শৰণাৰ্থীসকলে আশ্ৰয় লৈ আছিল । ভিন ভিন আক্ৰমণত সৰ্বমুঠ ৪৪জন লোকে প্ৰাণ হেৰুৱায় আৰু ৮১জন লোক আহত হয় ।