ভূল ভুলাইয়া ৩ হৈছে চলিত বৰ্ষত নিৰ্মিত আনীছ বাজমীৰ দ্বাৰা পৰিচালিত হিন্দী ভাষাৰ এখনি কমেডী হৰৰ ছবি । আকাশ কৌশিকৰ দ্বাৰা ৰচিত আৰু টি-ছিৰিজ ফিল্মছ আৰু চিনে১ ষ্টুডিঅ’ৰ প্ৰযোজনাত নিৰ্মিত হৈছে এই ছবিখন। ভূল ভুলইয়া (২০০৭) আৰু ভূল ভুলাইয়া ২ (২০২২)ৰ পিছত ভূল ভুলাইয়া ৩ত কাৰ্তিক আৰিয়ান, বিদ্যা বালান, মাধুৰী দীক্ষিত আৰু ত্ৰিপ্তী ডিমৰিয়ে অভিনয় কৰিছে ।
২০২৩ চনৰ মাৰ্চ মাহত আনুষ্ঠানিকভাৱে ঘোষণা কৰা ছবিখনৰ শ্বুটিং ২০২৪ চনৰ মাৰ্চৰ পৰা ছেপ্টেম্বৰলৈকে মুম্বাই, কলকাতা, মধ্য প্ৰদেশ আৰু লেহত কৰা হৈছিল, য’ত চিনেমেট’গ্ৰাফী কৰিছিল মনু আনন্দে। দীপাৱলীৰ লগত সংগতি ৰাখি ২০২৪ চনৰ ১ নৱেম্বৰত ভূল ভূলীয়া ৩ ছবিখনে চিনেমা হলসমূহত মুক্তি লাভ কৰে। ৯ দিনত বিশ্বজুৰি ৩৩৮ কোটি (৪ কোটি মাৰ্কিন ডলাৰ) তকৈ অধিক উপাৰ্জন কৰি ২০২৪ চনৰ তৃতীয় সৰ্বাধিক উপাৰ্জন কৰা হিন্দী ছবি হিচাপে স্বীকৃতি লাভ কৰিছে এই ছবিখনে।
ইয়াৰ উপৰিও ভূল ভুলইয়া ৩ৰ জৰিয়তে অনন্য অভিলেখ সৃষ্টি অভিনেতা কাৰ্তিক আৰিয়ানৰ । কাৰ্তিকে এই ছবিৰ জৰিয়তে প্ৰায় ২০০ কোটিৰ টকা উপাৰ্জন কৰিছে । ইয়াৰ লগে লগেই কাৰ্তিক আৰিয়ান হৈ পৰে ছবিত ২০০ কোটি টকা উপাৰ্জন কৰা কনিষ্ঠতম অভিনেতা ।